जागेअभावी वैयक्तिक शौचालये नसलेल्या कुटुंबांना आणि गावातील बाहेरून येणाऱ्या/स्थलांतरितांना सार्वजनिक/सामुदायिक शौचालये उपलब्ध करून दिली जात आहेत. काही ग्रामपंचायतींमध्ये ‘पैसे द्या आणि वापरा’ पद्धत देखील राबवली जात आहे. जेणेकरून, सार्वजनिक शौचालयाचा स्वच्छतेचा दर्जा शाश्वत कालावधीसाठी राखला जाईल आणि मिळालेल्या रकमेतून देखभाल दुरुस्ती करता येईल. याद्वारे, प्रत्येक गावाला सार्वजनिक ठिकाणी स्वच्छ आणि सुंदर वातावरण निर्माण करण्यास मदत होईल. सार्वजनिक शौचालयांबाबतचा मागील अनुभव, गावातील सार्वजनिक शौचालयांची गरज, वीज, पाण्याची उपलब्धता, देखभाल आणि दुरुस्ती सुविधा, स्थानिक ठिकाणी देखभाल आणि दुरुस्ती खर्चाची सुविधा, शौचालय वापरासाठी सोयीस्कर जागेची निवड, ग्रामपंचायतीने सदर सार्वजनिक शौचालय वापरात राहील याची हमी इत्यादी बाबी लक्षात घेऊन सार्वजनिक शौचालयांना मंजुरी दिली जाते.